في عصر يوم مشمس خالي من الضوء متلبد الغيوم مكحل بوميض القمر والمطر ينهمر حتى بوكتها طفا الجمر مال نركيلتي وقعت احداث هذه القصة وهذا ملخص للحرب التي دامت ثلاث ثواني وجزء من المتر على مقياس رختر ما انطولها نفوت بالقصة
اتنمى حاسبين حسابكم ولابسين شورتات لان بحر الدم هنا حيل غميج
تنويه طبعاً في الكتب حدث لبس في الشخصيات الحقيقية والمرجع الوحيد الموثوق منه هو اني CriMiNaL BaGhDaDy ومن هنا اخذنا الاسماء الحقيقية لشخصيات المعركة
بدأت هذه القصة يم ابو الحصة عندما وقع نظر جاسم الاعور على فتاة جميله تلقب في روما بحسناء الطيور المهاجره وهي من بني كفشوني الشرطة وهي عائلة معروفه في روما في اثناء تسلمها الحصة لاحظت حركة غريبه من جاسم الاعور فشكت بيه ديغمزلها وبدون سابق انذار شلحت العكال ونزلت بيه ضرب لبو موزه والتمت العالم عليهم بس طلع الصوج مو من جاسم لان هو اصلاً اعور شلون يغمز بخشمه يعني فوصل الخبر الى ملك طرواده نائب عريف مريدي ابو عبوس ونادا بالناس ان يجتمعو قرب مطعم الغوطه وعلى عجل من امره اخذ السيف من وزيره سجين ابو طعنه وطلع بالبي ام مالته ومن بطنشاته الرمل وصل بيت ام عباوي وهذا ابنها كان يشتغل مخبر للقوات متعددة الجنسية والاحوال المدنية وكَبل خابر على 490 وبلغ القوات الرومانية الي توهم نازلين من المنشئة بالعلاوي وكاعدين ديتريكون يم ام الكيمر
المهم ملك طرواده عريف مريدي اجتمع بقادة الجيش لاتخاذ التدابير اللازمه والما لازمه وقرروا بعد اجتماع طول سنة وشهرين مات بيه معظم المجتمعين ان يحركو تايرات الشفل مالت الوزير حاتوت حتى يعموهم للرومان بالدخاخين
وصل الجير الروماني بعد ما التايرات اشتعلن وخلصن وشتغلت المعركه والبطاله تطاير وضرب المواسه والجطلات وصوت كاظم يعلو في المعركة وهو يغني تترمون علينه واحنا من روما هذا كان النشيد الوطني مال روما بوكتها
وبعد ما استنزف الجيشان كل قواطي الببسي الي جايبيها وياهم قررو يشربو ميرندا
طالت المعركة لحد ما وصل طولها 30 متر مثلث فقال قائد قوات روما الملقب بذئب البامية يجب ان نضع خطة ندخل بيها طرواده فاشار عليه واحد من قادة الجيش كان مكبسل بنص شريط ارتين نجيب خروف ونخلي بيه واحد من الجهال ويدخل يفك الكيلون مالت الباب واحنا ندخل ونعسلهم علس وهما نايمين
[color="Blue"][وبين الجيش كان هناك فتى صغير اسمه شعتوت المعفن وجابو الخروف وشكو بطنه وخلو شعتوت ابطنه ووصاه القائد وكاله شكد ما تكدر كول ماع
فاخذه قائد الجيش الى باب حصن طرواده ودك الجرس في في في صو صو صو فيييييييييييييييي منو بالباب كال اني القائد ردت عليه الحرمه يا قائد منهم قائد كندال كللها لا اني ذئب الباميه كالته دمشي لك شرايد كاللها يسلم عليج مريدي ويكول هذا خروف العيد الكبير وفتحت الباب الحرمه واخذت الخروف/COLOR]
مرت ثلاث ايام وشعتوت ما بين بعدين اكتشفو انه من ديذبحون الخروف شافوه وكالو اكيد هذا الجائزة لان صايره بينا بجبس لوكس وطلعلنا نفاخه بس اشو هنا ديخلون خرفان زغار وشووه واكلوه فرجع الجيش الروماني للكيخانه الي جانو كاعدين بيها وكملو سيت الورق ((جان بوكًتها من ورق العنب من يخلصون يسووه دولمه))الي ديلعبون وتزوجت حسناء الطيور المهاجره من نجم هوليود الاول دانبي وخلفو هيكارو واخوها الي سبق وتابعناهم بمسلسل ابي فوق الباجله للفنان للمخرج عدنان درجال
ارجو ان وفقنا بروي القصة للاعضاء لان كتب التاريخ شوهت التاريخ حسبنا الله عليهم
المؤلف الخرنكَي الحشاش مدوخ الذبان وثارم اكبر راس بصل بالمنطقه ومسويه زلاطه
عاشت الصين حرة عربية
اشوفكم بخير